Scene #4.10

Ngoku kusemva kwentsimbi esixhenkxe ngokuhlwa. UMfundisi usesibhedlele ukuyovizithela uBrother Mpumezo oleliswe khona, eJooste Hospital. Ume phezu kwebhedi yakhe, uyathandaza ementla kwebhedi.

Pastor: “Heal him Father! Heal him! In the mighty name of Jesus! For You said in your word, Father; Let the sick say i'm healed! OH! Yes! We trust you Nkosi egameni likaJesu, wase Nazerethe! UMkhonzi wakho Nkosi, esalele apha kulebhedi yesi sisibhedlele Nkosi, mbiyele ngamandla omlilo. Umbiyele ngamandla omlilo ovutha amalangatye. Mfihle egazini lakho elinqabileyo! Umphilise! Mphilise! Mphilise! Father God Almighty; You're great! You are our Healer! Our Saviour! Our Doctor! Our Protector in this world! We trust now and we believe that at this point in time, that you are looking after your son. Bless him manje esazolala kwesi sibhedlele! Mgcobe ngamandla okunqoba! Amandla okweyisa! Amandla okuma ngenyawo aphume apha! Akuyona indawo afanelwe yiyo le akuyo. Philisa! Philisa! Philisa umkhonzi wakho Nkosi egameni likaJesu! Mphilise!”

Mpumezo: “Siyabonga”
Pastor: “Amen”
Mpumezo: “Mmmmmhmmm”
Pastor: “Uziva njani ke mzalwane wam”
Mpumezo: “Noko bandinikile izinto ke apha! Iintlungu zona zithomalele”
Pastor: “Zindaba ezimnandi ke ezo”
Mpumezo: “Kodwa, kuthwe amathumba ebesele enze umonakalo! Kuba ndithathe ixesha elide ukuwazisa”
Pastor: “Oh! Kanti kudala uwaphumile nha nawe nha?”
Mpumezo: “Hay! Kuqale yakukurhawuzelela kodwa, ze kwalandela amaqhakuva! Bendiba azophela msinya!”
Pastor: “Akukho ngxaki mzawlane! Uzakuphila wena”
Mpumezo: “Ndithemba njalo nam tata”
Pastor: “Bekunyanzelekile ke ngoku de uzolala apha ke ngoku?”
Mpumezo: “Batsho njalo! Kaloku, ebesele ebhidlilikile wona lamathumba am”
Pastor: “OH! Ndiyabona ke ngoku! Unxityiswe ikhimbi ke ngoku? Yintoni le?”
Mpumezo: “Ha! Ha! Ha! Hay tata! Libhandeshi eli! Ndibotshiwe. Kaloku, baye bazama ukuwachuba ukuze likwazi ukungena iyeza eli”
Pastor: “Khawutsho ke! Kwenzeke ntoni ke ukuze uzofika apha”
Mpumezo: “Ungachopha tata wena apha phezuk kwephedi le yam! Inde lento! Khona, uphi umama?”
Pastor: “Bendiba siza kuza sonke ke apha, kodwa oko ethe wabuya kulakliniki, oko ezivalele kularum engene ezingubeni”
Mpumezo: “Makube mhlawumbi yonke into ihamba kakuhle”
Pastor: “Hay noko wena, uyabazi kaloku abantu babhinqileyo. Soloko bathanda ukudinwa, bathanda ukulala noku sele linqanqaza kangakanani nha”
Mpumezo: “Ewe ke phofu”
Pastor: “Nantsi ifruthi ke umane ukrwamza kwakuphela ubuthongo! Nantsi nento eselwayo”
Mpumezo: “Yintoni ukundiphathela amarhewu ingathi ndigulela ukufa nha? Ha! Ha! Ha!”
Pastor: “Hay kaloku, xa sele ulaliswa esibhedlele kumele uphathelwe izinto eziza kwenza amandla, ukwenzela amayeza asebenze kukho into esiswini”
Mpumezo: “Mna nditya inyama ke! Andiyazi lenqwaba yefruthi ondiphathele yona, ngewuze nentloko yegusha maaarn! Ha! Ha! Ha! Enkosi tata”
Pastor: “Ndizakunikela umamakho kusasa ke lontloko ayizise ngokwakhe xa esiya emsebenzini”
Mpumezo: “Tata, eneneni wena ndiyagula kodwa ndizakuthetha nawe xa sele ndomelele. Ndicela nje okwangoku undithandazise. Ukwenzela ndibe namandla okuphuma apha ndiphilile kungekudala”
Pastor: “Singathetha maarn Mpumezo nangoku!m Ukwenzela ndithandazele into eyiyo”
Mpumezo: “Kulungile! Ndoyika nje ixesha lokuvizitha eli, ingathi liyaphela”
Pastor: “Thetha maaarn”
Mpumezo: “Kufunyeniswe ukuba ndinolosuleleko lwangaphantsi. Kwaye lukwiqondo esele lusoyikisa....!”
Pastor: “Hay'maaarn! Uthini nha?”
Mpumezo: “NdineSTI, sele indimoshile”
Pastor: “Njani? I mean, njani? Hay'maaarn! Yenzeka njani ke ngoku lonto?”
Mpumezo: “Nam andiyazi kodwa kungenzeka ndayifumana ndingeka sindiswa, ngoku kukhona iphumayo! Kaloku, iyakwazi ukuzimela emzimbeni, ingaveli kwaye irhale ixesha elide”
Pastor: “Ndisuke ndadom mna ngoku”
Mpumezo: “Bekudom mna ke tata. Kaloku, andinantombi, andilali nantombi. Ngoku ndosuleleka njani mna?”
Pastor: “Yilento indixakayo kaloku Mpumezo! Uyabona, usathana usebenza ngandlela zininzi ukubulala abantu abakholwayo! Kanye amagorha la asenkolweni. Ukubaonile ukuba ininzi into uThixo aseza kwenzela yona, wena kuninzi nje uThixo akubekele kona. Usathana yena ufuna ulahle ithemba, ungakholwa kumdali ze ubuyele ezweni ugula! Qina Mpumezo! Qina ndoda”
Mpumezo: “Andinakujika ke tata! Eyona endicela imithandazo ke ngayo yile..”
Pastor: “Ewe! Thetha nje wena”
Mpumezo: “Kusayokwenziwa uhlolo ukuba, ingaba ndingakwazi nha ukufumana abantwana. Ukuba akunjalo, bazakuwasusa amaqanda ama omabini. Kuthe kanti aye achaphazeleka kuyo yonke lento yokunwenwa kwale STI ikum. Ngoku, ndicela imithandazo ukuze iimpendulo ibuye ingavumi ukuba asuswe”
Pastor: “Asuswe? Wake wathenwa nha umntu? Ungaphila ke ngoku ngaphandle kwamasende kwedini? Huh?”
Mpumezo: “Ndive njalo ke nam tata”
Pastor: “Huh? Andizange ndayiva ke mna lonto! Yhooooo! Uzozala njani ke ngoku?”
Mpumezo: “Sukuyicinga lonton tata! Yho! Ndingayintoni?”
Pastor: “Ngoku ndincwase ukukutshatisa kulonyaka ngoDisemba maaaarn Mpumezo”
Nurse: “Tata! Liphelile ngoku ixesha lokundwendwela! Lixesha lethu lokutyisa amayeza kwizigulane zilale”
Pastor: “Besele ndizakuhamba nesi, ndicela nje ukuthandaza umthandazwana ukuze ndimshiye ndimyaleze kuThixo”
Nurse: “Khawulezisa tata okanye uza kukhutshwa kakubi ngoonogada balapha”
Pastor: (Ethandaza) “Ndikubiyela ngomlilo ovuthayo! Umlilo oqothualyo! Umlilo ongamanda! Ndicenga iingelosi, zikubiyele, zikugade! Zikufihle kongendawo! Ndondlula lebhedi ulele kuyo ngamandla omlilo ovuthayo! Sikele...”
Nurse: “Amen wethu tata, sifuna ukusebenza thina! Ukuba ube ezakufa uzakufa ke akazukunqandwa mntu. Sifuna ukusebenza thina sigqithele kwabanye. Ke thina apha sisebenza ngexesha”
Pastor: (Ethe fixi ngumsindo) “UThixo akusikelele ntombam”
Nurse: “Enkosi wethu tata kodwa angandinqunqeli izinja! Lonto umhle maaarn! Ungubani igama lakho?”
Mpumezo: “Ha! Ha! Ha! Ha! Ha! Mmmmmmmh! Andifuni kuba sathetha”
Nurse: “Oh! Uxolo bhuti! Kanti ngumntu wakho? Yhooooo! Lonto lento yenu madoda alalana odwa iyandicaphikisa, athi embalwa kangaka kakade amadoda kodwa aswantsulisana kwa wodwa”
Mpumezo: “Uthini ngoku nesi? Uyamva tata ukuba uthini?”
Nurse: “Heeeee! Yhehake! Lonto nibizana kamnandi, omnye uthi tata komnye! Intle lonto”
Pastor: “Ngumbhedo wantoni nalo usixelela wona nha ntombazana ndini? Asizo...”
Nurse: “Nisazifihla nha? Ndibone kwandle le ndisondelelene ngayo ke kwa kule bhedi, lonto nithethela phantsi zakube ezinye iivisitors zingxola. Kanti ke seyavunyelwa lento and it means you are all free to do anything and date whoever you want naphi nha. Heeeee! Nitshatiel nha? Ndibona ngeringi kaloku. Iphi eyakho? Iselokharini nhe? Mmmmmmmmmmmmmmh! Wow! I love it ke yazi”

Wathigwije umfundisi, ecaphukile kucaca nje ukuba esi sigezo salentombazana ingunesi simxhelile. Akazange ke yena agezeleke lendlela, esibhedlele khona? Ekwagezelwa yinesi eqaqadekileyo kwaye ingenambeko? Ayibuzi iyadwekesha qha! Suke wabila, wahla amanzi ngesaquphekazi esikhulu. Umsindo! Yhooooooooo!

Nurse: “Uyabona ke lento yenu yokuba gay? Ngoku sele ubole umphantsi sana! Uzakunya uthi shu zintlungu! Ukuba ubelala nentombazana ke ngewungekhon nje. Uzakunxiba iikhimbi ke ngoku, ituwa iza kuzihlela. Kwaye soloko nililisela ngeCHOICE yakhe umntu, jonga ngoku iCHOICE yakho yebhongo ikubeke phi? Yheka ukuba gay oku, ube yindoda yokwenyani, ujole namantombi, uyeke ukhuthulwa umva ngalamadoda anezinto zamakwirikwiri. Khamisa, sela nanga amanzi, nazi iipilisi zakho. Sizophinda sibuye ke ebusuku sizokujonga. Yibe ulala ke wena! Lonto umhle maaarn! Omnye kwenye iward ituwa iyazihlela ke bhuti, naye ulalwa emva apha! Ha! Ha! Ha! Undixolisele wethu kumyeni wakho ke ndodomntu uvile. Kanti akumnandanga ke ngelinye ixesha ukuthetha inyani”

Oko wayethe nkamalala umlomo uMpumezo kunzima nothetha. Wayemangalisiwe yilento ithethwa yilenesi ineenteshe ezintathu kunye namabele amakhulu. Yenze iHotwater entloko, inobuso obubixibixi, izidlele ziyawa kwaye ziyapatyuzela. Uyadixiza umamakho ke xa ehamba. Ayilolizwi yindoda. Ndiyasola, lo inokuba uyathungelwa iimpahla zomsebenzi, uhlobo nje awaye emkhulu ngalo. Kwa izandla ke ezi zakhe zindindisholo, zigadalala. Yhiooooo! Uyathetha ke lo sisi. Uvakala ekwenye iward ekude kule ukuba haaaaaa ufikile umafuxa. 

Wabuyisa nje intloko uMpumezo wazama ukungqenga ukuze amamele lomzimba wakhe. Kodwa waziva ukuba noko isinyi sigcwele kwaye sele ilixesha lokuba ake ayophungula. Uke wathi ngqeee!

Mpumezo: (Ecinga) “Ibindimincisile ke into yokuba inga ndiHIV positive ke, ngokwezimbo zalamaqhakuva mba bendinawo. Kanti ekwenziweni kwam uhlolo yabuya isithi impendulo (Non-reacted) lonto ithetha ukuthi ayibonakali. Ndisinde ngeemfefe zikamdali ukuze ibe kanti andifumenanga ntsholongwane kaGawulayo. Kwek, uyasebenza ke yazi loThixo. Kuba mna kaloku ndingulo uya ngentloko ukuqina. Ndiyabona, la ibise ngamaqalela! Kok ndimoshwe ngalamagqirha ebendiqaphula, endincuntsa ukuze ndibe nje. Ukuba bendize ngethuba ekliniki, ngeyingazange de ifike kweli nqanaba imeko yam. Ndiyambulela uThixo. Yanga ke nakuhlolo lwesibini, inga inganje, de ibe kanti kuqinisekiwe ukuba mna ngenene andinanto. Ukususela ngoku, ndizakuzama ukuba ndisebenzise ikhondom, ndibe sho ukuyisebenzisa oko. Ngoku bekusithiwa uSisanda unayo? Makube ubenayo nyhani? Abantu ke bayathanda ukuxoka ke yazi. UThembela mos uclean, noCeliwe, nomamfundisi. Icacile ukuba kubo nokuba andisebenzisanga khondom, baclean kaloku nje ngam bona”

Caba waya wabiwa bubuthongo, qethu intloko yakhe ecaleni, nethe imilenze yakhe yakhe emacaleni kwebhedi, eyivulile imilenze zwii pha. Wangena laanesi kaSisanda, ukrobe nje emnyango, wangena. Ufike wabala abantu ababekwelogumbi bonke, emana ebhala. Aphinde abale aphinde abhale. Suke wajonga kwibhedi kaMpumezo, wajonga encwadini abhala kuyo, wanikina intloko, wabhala. Uze kuMpumezo esi...!

Suke kwaphela le inki yam ndisabhala. Sibonane ke kwixesha elizayo.

#DOUO