Yayisele ishushu imvuselelo, usis’Thembela eyibambe ngazo zozibini izandla kwaye ibandla lilawuleka kakuhle. Wayibhexesha lomnkonzo uThembela ingathi uyaqala. Amalungu alo ibandla ayevuselelekile ngendlela nje esisimanga, wawungawuva uMoya oyiNgcwele usebenza. Babesiwa abantu bezibhuqabhuqa phantsi. Babezixhomele apha izandla abanye bezithwele entloko, abanye inga ziyabasinga zithe naa emacaleni. Abanye inga bayalunywa bebambe izisu zabo begobile, abanye bezichophele phantsi bequbudile. Abanye befake iintloko phakathi kwamadolo, abanye befulathele bejonge emadongeni entente. Ewukhwaza umlilo wezulu uThembela, ewufaka umlilo. Indlela ekwakushushu ngayo kulentente kuyacaca nje imvuselelo leyo yayiqhutywa ngu driver oneempepha zokuqhuba, uThembela ke ukutsho.
USiseko noLwando babevuselela nabo ngezaa keyboards babezidlala. Omnye edlala ingoma ngokupheleleyo, omnye esenza nje ingxolo emnandi ngamaqhosha. Zaziyiva nazo iinto ezinkulu, zide zema ngenyawo nazo, zimana kucimela zijonge phezulu. Suku uzibone ziphakamisa isandla esinye phezulu, ziyayiva. Babehamba nomnye umfana obeqala ukuza ke apha ententeni, yena wayehleli phezu kwe mixer, emana enyola, ejija, echukumisa, enyusa, ethoba, evula, evala. Kucaca nje lomfana unguchwepheshe kwelocala. Ngoba umfutho we-sound, wawuvakala kamnandi. Zazingatswini iiMICS, zingangxoli iikeyboards, yonke into yayiyondelelene nje kakuhle.
Pha entla, uThembela wayekhatshwa ziintombi ezintathu, nazo namhlanje inga zinikwe amazwi amatsha, inga apolishiwe, inga aloliwe, inga matsha. Hlobo olu zazicula kamnandi ngalo, wayezibiza zisabele uThembela. Zijika kunye, zinyuka kunye, zidanisa kunye, ziphekuza kunye. Yayingumbono nje omhle.
Thembela: “He’s name is Jehova! He is the Lillie of the valley! He lives above of all things; He is the creator; He is Alpha and Thee Omega; He lives! He lives (wathetha ngezilwimi ixeshana) He will never forsake you! He will be with you! Always! Always! Always! OH! Yes Jesus! Uyaphiiiiiiiiiila! Uyaphiiiiiiiiiila! Uyaphiiiiiiiiiila! Uyaphiiiiiiiiiila! UnguKumkani wabo ookumkani! Worship Him! Aaaaaaaah! Worship Him! Worship your Kiiiiiiiiiing! Dumisa! Dumisa! Dumisa! Aaaaaaaaaaaah! OH Jesus! OH! Moy’oyiNgcweeeeeeeeeeeeeele!!!! Siyabonga!!!!! Moy’oyiNgcweeeeeeeeeeeeeele!!!! Moy’oyiNgcweeeeeeeeeeeeeele!!!! (wathetha ngezilwimi ixeshana) Give Him uqobo lwakho! Mnikez’udumo! Mdumise! Mdumise! Kuyenzeeeeeeeeeeka! Kuyenzeka! Kuyenzeka! Kuyenzeka! Haaaaaaaaaaaaaha! Haaaaaaaaaaaaaaha! (wathetha ngezilwimi ixeshana) Uphakeeeeeme! Uphakeeeeeeme! Uyaphila! Uyaphila! Uyaphila! Ja! Ja! Ja! Ja! Oh yes Moy’oyiNgcwele!”
Yayinga baprikiwe ke abazalwane ententeni, baaqala phantsi ukuthandaza inga bambambe ngesandla uThixo. Babazingxadidi ziinyembezi ke abanye. Zavuka ke zikhalo mfondini, bagxwala abantu, zaatswina ke zinye, yangqokola ezinye. Abanye yabangathi bayahleka ukukhala oku.
Ayexakekile ke ama-Ushers. Egquma abawileyo, beganga abawayo, begade akekeleyo. Wawungafunga ukuba namhlanje lusuku lokugqibela kudunyiswa loThixo, hlobo ababezinikele ngayo kulendumiso abazalwane.
Thembela: “No-matter what you’re going through in your live, no-matter what the situation is, how poor you are, how sick you are, no-matter how the devil is using you. Imeko yakho yaziwa nguwe! I don’t care what the devil has already told you, noma usetheni kuwena! Lalela! He is the liar! Uyakukhohlisa! Delete him in your live right now as we speak let him burn in hell. Lalela mntaka Baba! In the book of Genesis, we see there devil, as an angel of the Lord, the trusted one, the worshiper but, in the book of Revelations, he appears there as a dragon! Mamela ndikuxelele, in the book of Revelation, he is already in hell, in the cage, in heeeeeeeeeeell! But, he is not burning! He doesn’t feel anything! Akaaaaaatshi! Because thina as sikholwa asiwenzi umsebenzi wethu! To burn the devil! Did you know ukuthi, uma uzukis’uThixo, the devil burns in hell, uma udumisa, uyaaaaaaaaaatsha! Com’On saints, biz’umlilo! Umlilo! Umlilo! Ummmmmmmliiiiiiiiiilloooooooooo! Mtshise! Ntshise! Burn! Burn! Burn! Burn! Uyaaaaaaaaaaatsha! Hooooooo! Hooooooooo! Hoooooooo! Hoooooo!”
Yaba nguwaca waca ke, yanguphithi phithi, kutshiswa lendoda ingusathana. Babethabdaza bephosa izinto ngezandla abangcwele. Bejikeleza intente yonke, bephosa, belahla. Ukuba akanakutsha ngoku lo sathana, mna ndimncamile.
Thu emnyango Umfana, ekhokele uMpumezo. Ephethe iBible kaMpumezo, inguMpumezo emveni kwalomfana. Emva koMpumezo kukho mfana nasemacaleni ukwagxagiwe uphopho. Unxibe isuti epinki ke namhlanje, isheti imhlophe, izihlangu zimhlophe, uphethe ivaslap le yokosula, ibhatyi inale tshefu ifakwa apha epokothwe, ivele tsolo kakuhle. Wakhokelelwa ngaphambili.
Thembela: “Hay! Bangcwele ndicele sibethele indoda kaThixo izandla, sele ikhona ngaphathi kwethu, shaya izandla, beth’ikhwelo, wenze ingxolo nje emnandi samkele indoda emthandayo kakhulu uYesu! Ohhhh yesssss! Haleluya! Shaya! Shaya! Shaya! Oh yes! Sibulise kuBrother Mpumezo! Siyabulisa mkhonzi! Cela ubona izandla nje kwaba bamthandayo uBrother wethu! OH yes! Simthanda kakhulu…!”
Wokha amaxhaka ke urheme, kucaca nje unelunda ngalento yenzekayo; izibele, imbeko zizinto azithandayo ke ezo. Kuye, kumnandi ukuqapheleka. Wahlaliswa ke kwindawo ehlala abashumayeli, abefundisi kunye nezinye izithwala ndwe zamabandla. Zazisezilapho iindwendwe ezingabefundisi, iibhishophu, abapostile, oomongameli bamabandla, bezokuxhasa lemvuselelo nabo. Phandle kwakumnyama nje zimoto, zikanokutsho.
Thembela: “Without any waste of time, and without any further things, let stand up and welcome the man of God, the worshiper, the intercessor, the brother, the young pastor, the preacher, indoda emthanda kakhulu uThixo, emoyikayo! Indoda edumisa kuhle izulu, indoda ehlabelela isibeke kwi-holly of the hollies. Put your hands together and welcome Brother Mpumezo”
Yahlokoma intente inga kwamkelwa uJulius Malema mfondini, yatsho ingcolo kwasika ngaphathi. Izandla, amakhwelo, imiyiyizelo, iikeyboards, kuyiloonto.
Mpumezo: “Ake sithi nje sonke bangcwele (ecula) ‘Amehlo am, avulekile, umthalo wezono zam ususiweeeee’ Ake siphinde futhi, sithi ‘Amehlo…! Hlabelela! OH yes!!!! ‘Umthwaaaaaalo’ Glory to Jesua! ‘Ameeeeehlooo’ (Watya kwizilwimi) Uyingcwele!! Uyingcwele! Uyingcwele! Uyingcwele! OHH Nkosi!!!”
Kazi kwezeke ntoni kuye lomfo noSisanda? Sibashiye kaloku intombi ibona igazi ebhedini, kwaye kucaca umfo omkhulu uye ngamandla. Ingaba umnikile lampahla? Imali yona kuye kwathwani ngayo? Injani ke yona imeko kaSisanda? Akenzakelanga? Lo sele evutha bhe nje ententeni uye wahlamba phofu eqhele ungavasi nje?
Sizoyiphendula yonke lomibuza xasibuya nge 14H22 kwanamhlanje.
#DOUO
No comments:
Post a Comment