Mamfundisi: “Baby! Khathi iphone yakho torho! Okanye ndicela undiboleke imemory card yakho torho”
Pastor: “Iphi khona loo phone yam?”
Mamfundisi: “Andiyazi kaloku! Ubusanda kuyisebenzisa ngoku njena. Uyibekephi wena?”
Pastor: “Oh nantsiya ecaleni kwe tivi”
Mamfundisi: “Kukho levido ndiyithunyelwe yenye icontact apha kuWhatsapp, qha ayingeni”
Pastor: “Ayingeni kanjani? Igcwele eyakho? Dilitha kaloku!”
Mamfundisi: “Andiyazi kaloku baby, lento ndifuna le yakho”
Pastor: “Kaloku nifaka yonke inyaka-nyaka nani maarn kwezi phone zenu”
Mamfundisi: “Hay nook ke kweyam kugcwele iintshumayelo zalemvuselelo sinayo kuphela”
Pastor: “Ngoku ayenalanga? Yeyiphi ke le vido uyifunayo? Akhange wenze vido izolo?”
Mamfundisi: “Hay ikhona le yayizolo! De ndafota nela polisa belisamkela uYesu”
Pastor: “Yeyiphi ke le vido uyifunayo ngoku?”
Mamfundisi: “Ndithi kaloku ndithunyelelwe ivido ku-Whatsapp, ngoku ayiveli, inoba igcwele le phone yam. Okanye khathi ndiyithumele apha kulo wakho, mhlawumbi izovela”
Pastor: “Ungandithumeleli usathana wena nkosikazi! Andizifuni kakubi ezi zinto zenu”
Mamfundisi: “Kuthwa le vido igcwele iLower yonke ke tana, kuthwa yeyomntu walapha eLower”
Pastor: “Niyawazakuxokiselana kanene! Nimazelaphi nina lomntu? Nimbonile kulovido?”
Mamfundisi: “Kuthwa kaloku bekuncoklwa ngayo kuFacebook and kudala isasazwa kwalapha kuBBM no Whatsapp. Kuthwa iyafumaneka ke tana naku YouTube nakuyo yonke nje i-Internet. Ndise ndanqwenela ukuyibona”
Pastor: “Kwenziwa ntoni nakule vido? Kuyaculwa? Kuyaxhentswa?”
Mamfumdisi: “ Akutshiwo tata, kwaye ndiyafihlelwa! Andazi nam!”
Pastor: “Iyavela kengoku?”
Mamfundisi: “Ha.a ithi ‘the file is too large’ ngoku nakule yakho ayingeni”
Pastor: “Hay yiyeke wethu! Yiyeke! Sapha lophone yam, ndifowunele uBonisa! Ndifuna ibe nguye oshumyelayo ngomso”
Mamfundisi: “Thatha le yam, ikhona inumber kaBonisa apho baby”
Pastor: “Ndifuna kushumayele yena ngomso! UThixo uyamsebenzisa uBonisa kwaye uyashumayela gqithi. Ndifuna ibenguye osilandela imiphefumlo ke ngomso. Kwaye futhi uyawubethelela ken aye umnikelo. Kufuneka sinike abantwana ibe ngabo abacengana neentanga zabo”
Mamfundisi: “Kanti ndizoshumayela nini nha mna darlie? Kude kushumayele ooBonisa mna ndingekanikwa iqonga?”
Pastor: (Ethetha kwiphone) “Hay Bonisa mntanam, ndim utatakho”
Bonisa: “Ewe tata!”
Pastor: “Kunjani ntombam?”
Bonisa: “Siphilile tata akhonto, sibong’uYesu esasifihlile egazini lakhe”
Pastor: “Kuhle ntombam! Mamela, lungisa nguwe uzosipha isigidimi ngomso. Zilungisele ke mntanam! Ndikuthembile ke ukuba asoze undiphoxe”
Bonisa: “Enkosi tata! Ndiyabulela ngelothuba undinika lona, ndakulisebeznisa ngobulumko nam”
Pastor: “Kunjalo ntombazana! Ininzi inkitha esafuna ukusindiswa apha! Nawe ke uyibethelele indima yezishumi neminikelo, ukuba ziziswe endlwini kabawo, ndikuthembile ke nontombi”
Bonisa: “Enkosi tata ngokundithemba! Andisoze ndikuphoxe tata, ndithembe”
Pastor: “Ndithanda nje lento uhleli enkosini Bonisa mntanam. Awukhathalelanga kwamadoda, awuhambi zipati, uyaziphangelela qha”
Bonisa: “Enkosi tata! Ndizohlala ndinyulu tata! Enkosi ngokundikhokelela kuYesu”
Pastor: “Mandikuyeke ke sana lam, sizokuthandazisa nomama wakho mntanam. Nawe ke uthandaze”
Bonisa: “Ndiyabulela tata, ubulise apho kumama”
Wanikisa ngephone umfundisi kumamfundisi engakhange atsho kuBonisa ukuba umama naye ufuna ukuthetha naye.
Bonisa: “Nilale kakuhle ke tata. Enk...”
Mamfundisi: “Hay yima mntanam ngo bye-bye abangenantambiso apha!”
Bonisa: “Ha! Ha! Ha! Haypwona mama! Ndingcwele nje mna! Njani angabi ngcwele yena ubye-bye wam?”
Mamfundisi: “Ye mntanam, kukho le vido igqubayo kwezi internet, yomntu walapha eLowerl, awukayifumani? Kudala ndiyithunyelelwa kodwa iphone yam nekatatakho zigcwele ayingeni. Awunayo wena?”
Bonisa: “Hay mama andikabinayo shame!! Indiphosa njani? Ndizoyizingela nam mama!”
Mamfundisi: “Undiphathele sana lam kaloku! Yini uphathele umams wakho vha! Uvile ke?”
Bonisa: “Uyayazi mamzo! Good night”
Wayibeka phantsi ke aye iphone umama umfundisi. Wasondela emyenini wakhe ukuba ake amphuze, yabuyisa umlomo indoda, imsusa nangesandla. Suke yaphakama ukuya ngasekamerweni, sele irhuqa iinywao akakde oku komntu odiniweyo. Wasala umama wekhaya esazama ukucofana nephone yakhe, eneentloni zento ayenzileyo. Wayefuna ukulandela kwakamsinya, mhlawumbi zinto namhlanje azizufana nezinye iimini. Lendo ayisambambi, ayisamphuzi xa bebodwa, soloko yadindwa okanye soloko ikwi fasting. Yamhlupha lento. Wazimisela ukuphakama, aye kulakamire, enze ekumele uyakwenza nje ngomfazi. Kaloku naye unawo amalungelo, okungokwakhe endodeni kumele akufumane. Athini bethu?
Sibonane kwixa elizayo.
#DOUO
No comments:
Post a Comment